Lucknow, 28 April : Lucknow, Uttar Pradesh laga capital te ekjon manu, Abhay Singh, Bhojpuri folk singer Neha Singh Rathore laga ekta video karone FIR file korise. Monday din taikan uporte Indian Penal Code laga 10 ta different section aru IT Act laga Section 69A te FIR file kora hoise.
Pura India te Pahalgam, Jammu and Kashmir te terrorist attack hobo karone dangor gussa laga atmosphere ase. Public Pakistan ke strongly criticize korise aru government para sakti action demand korise. Opposition parties bhi koi dise ki government juntu bhi action loi terrorism ke khatam koribo, itu te support dibi. Itu sob bich te Bhojpuri singer Neha Singh Rathore laga ekta video logot niji controversy bhi uthise.
Singer Neha Singh Rathore laga ekta post ke Pahalgam attack time te provocative buli describe kora hoise. Neha Singh Rathore X (former Twitter) te ekta video post kori koi dise ki Pahalgam attack government laga negligence karone hoise. Tai BJP party uporte bhi allegation uthai dise ki BJP itu attack issue use koribo Bihar election te vote collect koribo nimite. Itu karone Lucknow laga Abhay Singh Neha uporte FIR file korise. FIR Rathore laga uporte Indian Justice Code 2023 (BNS) laga 10 section aru IT Act 69A te register kora hoise.
Popular Bhojpuri singer Neha Singh Rathore political satire nimite jani jaye. Tai social media te dangor following build kori dise, juntu te taikan laga YouTube channel te 1.45 million pora besi subscriber ase. 2020 te COVID-19 lockdown time te migratory labour laga problem te focus kori taikan social issue uporte gaan banai thakise. Tai laga political satire end of 2020 te famous hoise, aru 2021 te 1 lakh pora besi subscriber hoise. Tai laga gaan juntu ‘Bihar Mein Ka Ba’ (2020) aru ‘UP Mein Ka Ba? Session 2’ (2023) ase, social media te dangor popular hoise.
Add Comment