New Delhi, 30 April : PR Sreejesh, India Men’s Hockey Team laga purbagoalkeeper aru current Indian Junior Men’s Team laga coach, Padma Bhushan, India laga third-highest civilian award logot honor korishey.
Hockey India Monday din, Sreejesh ke ei prestigious recognition pabo laga karone bishi garbo hobo dise.
Etu dangor recognition Sreejesh ke legendary Major Dhyan Chand logot ekhan thap disey, aru etu Sreejesh ke hockey history te second player banai disey juntu Padma Bhushan pabo. Dhyan Chand 1956 te ei honor paise, aru satta saal para Sreejesh laga contribution Indian hockey ke mahan player logot rakhe disey.
“Modern Indian Hockey laga God” buli porichito Sreejesh 18 saal international career khelise, India laga 336 caps paise aru Paris 2024 Olympics pora professional hockey ke farewell dise. Tai tokhon bhi stunning performance diye India ke Bronze medal jeetibo help korise, aru Tokyo 2020 te historic Bronze jeetibo parise.
Sreejesh laga career te bishi awards ashe, jaise FIH Goalkeeper of the Year Award tin bar (2021, 2022, aru 2024), Arjuna Award 2015 te, Major Dhyan Chand Khel Ratna Award 2021 te, aru World Games Athlete of the Year 2021 te. 2010 te senior international debut korisey, tai India laga defense laga backbone hoise, juntu calmness aru pressure under brilliance buli porichito hoise.
Coaching te smoothly transition kori, Sreejesh Indian junior team ke November 2024 te Junior Asia Cup title jeetabo lead korisey, aru Indian hockey laga success story continue korisey.
Sreejesh laga impressive resume te chaar Olympic Games (London 2012, Rio 2016, Tokyo 2020, aru Paris 2024) te appearances, duita Asian Games Gold medal (2014 aru 2022), ekta Asian Games Bronze medal (2018), aru duita Commonwealth Games Silver medal (2014 aru 2022) ase. Tai Indian triumph lagat Asian Champions Trophy te chaar bar (2011, 2016, 2018, aru 2023) pivotal role play korisey.
Add Comment