Madrid, 30 April : World No. 2 Alexander Zverev Madrid Open laga round of 16 te Argentina laga Francisco Cerundolo logot haar khaisey, jitia defending women’s champion Iga Swiatek bhi kichu struggle uporot quarter-final te jaisey.
Cerundolo, juntu world ranking te 21 number te ase, German player Zverev ke — juntu Madrid te doita bar champion thakise — 7-5, 6-3 para harai disey, aru last saal laga performance repeat korisey.
Swiatek to etu saal laga WTA 1000 tournament te panchta quarter-final reach korisey, 13th seed Diana Shnaider logot ekta tough match 6-0, 6-7 (3/7), 6-4 para jeet luisey.
Cerundolo next round te Czech player Jakub Mensik logot quarter-final te face koribo, juntu Kazakhstan laga Alexander Bublik ke 6-3, 6-2 para easily harai disey.
First set te duta player barabar khelise, kintu Zverev duta set point disey aru Cerundolo second chance te set jeet luisey. Second set shuru hote Zverev over-hit marise aru turant break dise, aru etu advantage Cerundolo use kori 4-1 lead lo luisey.
Zverev frustration te nijor racket mati te fekh disey, kintu Cerundolo shanti te khelise aru match jeet luisey.
Monday din Caja Magica te ekta nationwide blackout karone bishi match cancel hoisey, kintu Tuesday morning power wapas paisey aru match sob dupor pora shuru hoisey.
Bulgaria laga Grigor Dimitrov Britain laga Jacob Fearnley logot match complete korisey — 6-4, 7-6 (7/3) — juntu Monday din 6-4, 5-4 lead thaka time te suspend hoisey thakise. Tuesday din resume hoa time, duta player serve hold korisey, aru pichhe Dimitrov tie-break jeet luisey.
Former finalist Matteo Berrettini Jack Draper logot match te first set laga tiebreak harar pichhite abdominal injury karone retire korisey.
Draper next round te American Tommy Paul logot khelibo.
Sixth seed Alex de Minaur Canadian Denis Shapovalov ke 6-3, 7-6 (7/3) para harai disey, aru next match te Italian Lorenzo Musetti logot khelibo.
Etu jeet Alex de Minaur laga 2025 tour te 24th win ase, aru etu hisab te tai Carlos Alcaraz logot sobse beshi jeet thaka player banisey.
16th seed Frances Tiafoe France laga Alexandre Muller ke 6-3, 6-3 para harai disey aru next round te Novak Djokovic ke harai thaka Matteo Arnaldi logot khelibo.
Add Comment