Sports

Kalinga Super Cup: FC Goa para Jamshedpur FC ke samna kurishey 

10 months ago

Bengaluru, 2 May : 13 din laga nonstop match te, 15 team te pora only duita team bachi ase final din te – Kalinga Super Cup 2025 laga final te FC Goa aru Jamshedpur FC mukh mukhi hobo Saturday din. Ei match laga winner 2025-26 AFC Champions League Two Preliminary Round te qualify koribo.

Ek side te ase FC Goa, jun khan notun record banabo nimite try kori ase – eitu trophy duibar jitor first team banibo aru ekta dangor target ase: chari saal pora continental football te wapas jabole. FC Goa laga ekmatra Asia journey 2021 laga AFC Champions League te hobo. Dusra side te ase Jamshedpur FC – ekdom notun jagah te, juntu club laga 8 saal laga history te first time final te ahise, aru dui bar semi-final hara pora ei bar final te pochise.

2023 te AFC Champions League te jawor play-off te hara pora Jamshedpur FC lagi eibar ekta golden chance ase – Asia te first time khelibo paribo.

Ei hobo FC Goa aru Jamshedpur FC laga choutha mukh mukhi match Kalinga Super Cup te – juntu laga karone eitu tournament laga joint most-played fixture banise. Ageta tinte match te total 21 goal dikhise – tai Saturday din te bhi ekta dhamaka match hobo nimite expect kora jabo. FC Goa duita quarter-final match jitise 2018 te 5-1 aru 2019 te 4-3. Kintu 2023 te group stage match Kozhikode te Jamshedpur FC 5-3 jeetise.

Ei season laga ISL te, Jamshedpur FC FC Goa ke duibar haraise – 2-1 Fatorda te aru 3-1 Furnace te.

Jamshedpur FC juntu ISL te second-worst defence thakise (46 goals concede korise), ei Kalinga Super Cup te ekta bhi goal nai khaise – Hyderabad ke 2-0 haraise, NorthEast United ke penalties te haraise (0-0 draw pora), aru semi-final te Mumbai City ke 1-0 se haraise. FC Goa laga journey te, Gokulam Kerala ke 3-0, Punjab FC ke 2-1 aru Mohun Bagan SG ke 3-1 se haraise. Duita team bhi ISL semi-final haraise – tai ei final match duita karone ekdom perfect opportunity ase season ekta bhal note te khotom koribo nimite.

Ageta match khan juntu draw hobo 90 minutes te, direct penalties te jai thakise, kintu final match te 30 minutes extra time thakibo. Jamshedpur FC already ekta penalties win taste korise NorthEast United FC against te. FC Goa laga coach Marquez bhi penalty laga bhal memory ase – 2021-22 ISL Cup jeetise Hyderabad ke penalty shootout te.

Final match Star Sports 3 te live dekha jabo aru JioHotstar te stream koribo paribo.