Liverpool, 3 May : Mikel Arteta koise ki Liverpool Premier League jitisey dekhibo taikhan karone “duk lagey,” karon Arsenal already third bar season te title race te short pori jaise.
Sunday din Liverpool Tottenham ke 5-1 te harai jiti jaise, aru eneka kuri Arsenal ekdom reach pora bahar hoi jaise, jabole char ta game baki ase.
Itu Arsenal karone ekta dangor jhatka, karon taikhan pichla duta season te Manchester City logot full fight dise, kintu etu bar bhi title miss korise.
Arteta Liverpool ke congratulate korise, koise ki taikhan jiti jaise itu fully deserve kora hoise, kintu eneka hobo taike bisi duk dise.
Arsenal 2004 pora Premier League jitipara nai — last time Arsene Wenger laga time te jitisey.
Gunners laga title challenge injury problem karone bhal para continue koribo naparise — six jon first-team khiladi abhi bhi injured ase.
Arteta, juntu Tuesday din PSG logot Champions League semi-final first leg te 1-0 te harise aru juntu match te suspended Thomas Partey bhi nai thakise, koise ki injury problem bisi dangor ase.
Saturday din Arsenal mid-table Bournemouth logot match khelibo, aru Arteta koise ki abhi Premier League te second finish koribo he laga target ase.
Arsenal abhi third-placed Newcastle pora 5 point upar ase, aru charta game baki ase. Top five team khan next season Champions League qualify koribo.
Add Comment