MS Dhoni para blame loise CSK laga loss

Bengalore, 4 May 2025: Chennai Super King laga Skipper MS Dhoni para 12 runs off 8 balls aru harise dai laga team ke 214 target set kurivolae RCB against de. CSK laga skipper MS Dhoni para blame tu loise dai laga eam RCB laga against de hara tu Saturday M Chinnaswamy stadium de kelise. CSK para 15 runs bonavolae para nai last over dae aru 214 laga target tu para nai, etu melai kena ninth loss hoise etu season de. Ms Dhoni out hoise 17th over de 42 runs baji kena takise off 20 balls de. Dhoni para 12 runs olaise 8 off balls para, ekta six marise hoilibi team ke ah ge loi kena javo para nai Yash Dayal logo 19th over de harise. “ketia moi bat jaise, enika team laga hope loi kena moi para runs aru olop beshi bonaile bhal takise pressure khomti kurivolae, team haria tu moi blame lovo,” Dhoni para koise post match presentation de. RCB khan tu brilliant start kurise Jacob Bethell aru Virat Kohli para fifties laga score tak.  Total 213 runs de khotom hoise. Dhoni para koise team bowlers khan aru beshi practice kurivolae la ge Yorker balls khan de. Dai para koise team tu aru practice sections kurivolae ase next season karone. CSK para 11 games kelese aru 2 games hi jetese aru daikhan out hoise IPL 2025 para.