US, 06 May 2025: Teen saal pichete, juntu on-set shooting te cinematographer Halyna Hutchins mori jai she, Alec Baldwin laga film Rust chup chap kina theatre aru streaming platform te release korishe. Public laka majo te mixed reaction ase, karon dangor tragedy to ajikali bhi manu beshi pora paori bole napare.
October 21, 2021 te, rehearsal time te Baldwin laga prop gun by mistake pora fire kori jaishe, jate Hutchins mori she aru director Joel Souza injured hoishe. Etu incident toh legal case aru film set te safety rules upor dangor question uthai dishe, especially jai kina janishe ki live ammunition set te thakishe, juntu beshi dangor aru shocking mistake thakishe.
Rust ekta lora laga kahani ase juntu movie te bhi accidental killing kore aro phasi dibole koi takhe, kintu tai nijor grandfather logot, Baldwin act kori ase, Mexico loi kina polai jai. Western film hoilebi, etu film laga release ekta emotional aru ethical weight loi ase.
Online te reaction bishi mixed ase. Konuba manu etu film ke dekhibole interested ase karon etu accident laka karone, kintu konuba ke lage etu insensitive aru exploitative ase. Critics bhi divided ase, konuba Halyna Hutchins laga cinematography ke bhal praise kori ase, visually beautiful koi kina, kintu alak manu kan film ke boring aru lamba koi ase.
Legal settlement hisap te, film laga poisa Hutchins laga husband aru son ke dibole lage. Kintu manu ke lage etu film ekta reminder ase—ekta tragedy juntu ajikali bhi film industry te debate loi ase.
Add Comment