May 06, 2025, 03:52 PM: Ekta dui-din laga Peren District Level Farmers Training, traditional para scientific fish farm kuria laga practice & ekta overview loishey, dangor freshwater prawn farming (Microbrachium rosenbergii) sustainable Aquaculture nimitey, Rehangki conference hall tey, Traffic point osor tey, Jalukie Town osor tey, 6th & 7th May, 2025 tey. Itu training toh hoiley by Agriculture Technology Management Agency (ATMA), Peren para organize kuria laga thakishey, itu Fish Farmers Interest Groups (FIG) Peren laga initiative under tey. Fisheries & Aquatic Resources laga Department logotey associate thaki kena, Kumar’s Hatchery, Kolkata, West Bengal laga proprietor – Avijit Kumar Kolay logotey, tai tatey expert resource person hisap thaki kena.
Itu technical session laga homoi tey, Avijit Kumar Kolay para koishey ki, maas khan rear kuriboley laga method toh hoiley crucial asey, successful fish farm kuriboley nimitey, kiley koiley itu toh shida shidi maas laga health ke impact kurey. Itu tey toh hoiley ekta preventive measure khan laga combination involve kuriboley lagey, thik thak laga pani laga quality, balance diet aru sanitation thaki kena.
Itu resource person para state kurishey ki, fish hatchery toh hoiley ekta facility asey kotey, maas khan laga anda khan hatch hoi aru tatey utu maas bacha khan chutu chutu laga time para rear kurey.
Key note address present kuri kena, itu inaugural programme laga homoi tey, District Fishery Officer & Project Director, ATMA, C. Dory Yanthan para itu Fish farmer khan ke encourage kurishey, judicious para tai khan laga homoi loboley karney aru fish rear kuria ke shikhiboley karney. Tai para farmer khan ke aru bhi bishi local maas khan rear kuriboley koishey, itu market nimitey. Tai para state kurishey ki, itu training toh hoiley ATMA para fund kuria laga thakishey koi kena.
Rev. Kuzierang Thou para Isor laga blessing khan nimitey prathana kurishey, aru Deputy Project Director, ATMA, Kumui para welcome address present kurishey.
Add Comment