May 07, 2025, 05:24 PM: MLA, Dr. Tseilhoutuo Rhutso para ekta notun Outdoor Gym inaugurate kurishey, itu LAPD 2024-2025 ‘Iconic Project’ under tey, ekta significant step banai kena, health aru community laga bhal hoboley laga promote kuri kena, Kohima tey.
Itu event tey kotha kuri kena, Dr. Tseilhoutuo para emphasize kurishey ki, itu facility toh hoiley manu khan laga asey, sob manu khan ke encourage kuri kena, chulaboley aru sob manu itu laga malik hoboley, itu bhal para rakhiboley.
Dr. Tseilhoutuo para tai laga speech tey announce kurishey, itu community para chulai jawa initiative “One Rupee Project for Change” title thaki kena, itu launch kuriboley asey koi kena. Itu project para citizen khan ke encourage kurishey, nijey para volunteer hoi kena ek din tey ₹1/- contribute kuriboley, muhina tey ₹30/- nahoilebi ekta saal tey ₹365/- di kena, public laga bhal effort khan nimitey, itu city tey. Itu initiative toh hoiley ekta civic responsibility laga culture foster kuriboley aim kurey aru itu para investment share kurishey, development tey, especially urban resident khan bhitor tey.
Itu event toh hoiley strong message logotey khotom hoishey, unity aru civic participation laga, sob manu khan ke itu space khan toh bhal para care kuriboley koi kena, responsible para chulaboley koi kena aru nijey commit kuriboley koi kena, moi khan laga society laga welfare karney.
Henok para emphasize kurishey ki, gym toh hoiley strategy hisap tey ekta sob para busy thaka jaga tey locate kuri kena asey, public space khan tey, itu city laga, kotey phat phat para manu khan visit kuri thakey, sob kisim laga age khan para, especially fujur laga aru shaam laga homoi tey.
Add Comment