Paris, 8 May : Spaniard Carlos Sainz Sr., jun Williams Formula One driver Carlos Sainz Jr. laga baba ase, etiya consider kori ase FIA (governing body) laga president banibole race te ahibo naki, etu saal te.
63 saal laga Sainz Sr., jun duita world rally championship aru char bar Dakar Rally jeetise, aru etiya bhi compete kori ase, Wednesday din Motorsport.com ke koi dise ki tai support thaka level bujhibole try kori ase.
Emirati Mohammed Ben Sulayem, jun December te second term karone run koribo expect kora ase, taike challenge koribole Sainz first person ase jun openly ahise.
Ben Sulayem ekta controversial figure ase, karon Formula One aru rallying te teams aru drivers logot conflict thaka record ase, kintu election te geography aru regional loyalty laga karone tai ekta strong position te ase.
President banibole try koribo candidate khan ke ekta full team (different office holders) logot stand kori jabo lage.
Sainz koise ki tai laga nomination te kunu conflict of interest nai hobo, jodi tai president banibo, karon tai laga lora Carlos Sainz Jr. Grand Prix Drivers’ Association laga ekjon director ase.
Add Comment