Shanghai, 8 May : Indian compound archers khan laga strong performance continue kori ase Archery World Cup Stage 2 te, jiman Rishabh Yadav aru Madhura Dhamangaonkar individual semifinals te reach kori luse, jabole recurve team khan medal contention pora bahar hoise Thursday din.
Rishabh Yadav din laga ekta standout performer thakise, juntu men’s compound laga quarterfinal te Denmark laga Mathias Fullerton logot 147-147 draw korar pisot shoot-off te 10*-10 score kori kene, center logot besi closeness paise aru semifinal te jai luse. Etia Yadav world No.1 Mike Schloesser (Netherlands) logot khelibo final te jabole.
Women’s compound section te, third-seeded Madhura ekta bhal comeback dekhaise, quarterfinal match te multiple World Cup gold medallist aru teammate Jyothi Surekha Vennam ke 142-141 te haraise. Itu Madhura laga 2022 pora dusra World Cup appearance ase, aru semifinal te tai Turkey laga Hazal Burun logot khelibo – ekta jeet tai laga pehla World Cup medal confirm koribo.
Kintu, veterans Abhishek Verma aru Uday Kamboj karone tournament khotom hoise, dujon bhi men’s individual compound laga second round te haraise.
Team event te, men’s recurve team – Dhiraj Bommadevara, Atanu Das aru Tarundeep Rai – bronze medal match te USA logot 3-5 te haraise. First set 56-57 te narrowly harise, ekta 8-ring shot laga karone. American team – Christian Stoddard, Brady Ellison, Jack Williams – second set 56-52 te dominate kori kene 4-0 lead loi luse. Indian team pressure te doita arrow 7-ring te marise, aru duita 9 aru duita 10, including ekta X mark kori kene struggle korise. India third set 55-54 te jeetise aru comeback try korise, kintu fourth set 56-56 te draw hobo karone shoot-off chance miss korise. Earlier, France logot semifinal match shoot-off te 4-5 te hari jai bronze match te pohise.
Women’s recurve team – Deepika Kumari, Ankita Bhakat aru Anshika Kumari – jun third-place finish kori qualify kori thakise, shockingly pre-quarterfinals te 14th-seeded Mexico logot 4-5 shoot-off te harise. Start te 3 ta 8s aru ekta 7 marise, aru first set 49-50 te harise. Second set 52-54 te bhi 3 ta 8 marise. 0-4 down thaka condition te, India modest 52 score dise third set te, juntu Mexico 45 score kori fail korise. Fourth set 55-48 te jeet kori shoot-off te match loi luse, but shoot-off te Mexico 27-26 te jeetise.
Jitia India laga recurve team khan pressure moments te struggle korise, compound team consistent perform kori ase. Wednesday din, men’s aru women’s top-ranked compound team finals te reach kori kene India karone duita medal confirm korise, juntu finals Mexico logot hobo.
Etu contrasting performance India laga recurve team ke revive koribole lage – especially Los Angeles Olympics 2028 karone – itu urgent reminder dikhai dise.
Add Comment