Liverpool, 9 May : Liverpool laga Alexis Mac Allister ke April mahina jonno Premier League laga Khiladi of the Month buli award dishey, aru etu tai laga first time award jiti ase. Tai logot, Wolverhampton Wanderers laga head coach Vitor Pereira ke Manager of the Month award dishey.
Mac Allister April mahina te Liverpool jonno paanchta match khelise — duta goal mari dise aru ekta assist kori dise, aru etu tai laga team ke second Premier League title jitibo help korise.
Etu first time hoise ki Argentina pora ekjon khiladi etu award paise January 2020 pora, juntu time te Sergio Aguero Manchester City jonno etu award jiti thakise. Mac Allister hoise fourth Argentinian khiladi jun etu award jiti ase.
Wolverhampton Wanderers laga head coach Pereira etu Manager award paise karon tai laga team April mahina te sob paanchta match jitise, aru etu jonno Wolves next season Premier League te thakibo confirm hoise.
Pereira hoise paanch number Portuguese manager jun etu award jiti ase — Jose Mourinho, Andre Villas-Boas, Nuno Espirito Santo aru Bruno Lage logot. Etu paanch jon pora tinjon Wolves manage korise.
Etu season te chouth bar hoise ki ekjon Portuguese manager etu award jiti ase. Pereira join korise Nuno ke, jun October, December aru March mahina te Nottingham Forest jonno etu award jiti thakise.
Wolves April mahina clean sheet logot start aru end korise — West Ham United ke 1-0 aru Leicester City ke 3-0 te harai dise.
Etur majot, Ipswich Town, Tottenham Hotspur aru Manchester United ke bi harai dise. April mahina te Wolves ekmatra team hoise jun 100% winning record maintain korise.
Add Comment