Bengaluru, 23 May : Young Indian midfielder Lalremtluanga Fanai contract extension sign korise ISL team Bengaluru FC logot Friday din, aru etu agreement tai ke Karnataka-based team te 2027-28 season khotom hobo tak rakhibo.
BFC laga Director of Football, Darren Caldeira, khushi express kori koise, “Fanai to oloi bhi 20 saal bhi nahoi, kintu tai dikhai ase ekta maturity aru composure juntu tai laga age pora bahut dangor ase.”
Fanai pura ekta complete aru dependable midfielder banijaise jab pora tai 2020 te club join korise, Spanish coach Gerard Zaragoza laga under te ekta bhal season pichhe.
Tai club laga U18 Academy side pora BFC Reserves te uthi aahi, aru 2023-24 season aage tai ke Indian Super League squad te promote koridise.
Midfielder hisab te Fanai laga first-team debut hoise Sreenidi Deccan FC laga opposite 2023 Super Cup te, aru tai Indian Super League debut korise Punjab FC logot same season te.
Fanai ball te comfortable ase aru tai laga passing skill bisi bhal ase. Tai laga clean tackling aru accurate positioning to tai laga game reading smart thaka karone ase, juntu tai ke field te correct position te thakibo help kore. Duita season te, Fanai 36 ta appearance dishe Indian Super League te, juntu tai laga age hisab te ekta impressive number ase.
Add Comment