Hansal Mehta ekta emotional tribute dishe late actor Mukul Dev ke

India, 25 May 2025: Filmmaker Hansal Mehta ekta emotional note Instagram te share kurishe, tai laga bhal friendship actor Mukul Dev logot taka la. Mukul Dev morishe New Delhi te, 54 saal te. Hansal pora eki logot thaka time aru Mukul laga career te juntu struggle thaikishe,sob yad kurishe. Hansal koishe Mukul laga personality aru acting talent bhal ase aru beshi charming. Bollywood te tai laga start bi bhal takishe—dangor director aru actor logot. Kintu tai laga career ulta hoijaishe, dangor chance miss kurishe aru full success pa nai. Hansal koishe etu sob “what ifs” tai laga mon dukh dishe. Hansal likhishe Mukul laka hasa bhi ekta dukh takishe— juntu tai alcohol te comfort bisari thakishe. Konba projects te Hansal aru Mukul eki logot kaam kurishe—duita unreleased film aru ekta TV show. Omerta film laga story 2003 te Mukul Hansal ke dishe. Jitu film pora bani jabole parishe, Mukul khushi hoishe ki tai writer hisap te credit pai thakishe. Hansal koishe tai etiya bi yaad ase, jitu time Mukul bhal lagishe tai laga naam credit te dekhi time te. Duijon gym partner bhi thakishe—ek dusra ke support kurishe jabole dukh time te. Last time jabole phone te kotha kurishe, Hansal koishe Mukul hashi thakishe, kintu under te ekta sadness bhi thakishe. Mukul TV te popular show juntu ase Gharwali Uparwali, Kumkum, aru Ssshhhh Phir Koi Hai te kaam kurishe. Tai film bi kurishe, juntu ase Yamla Pagla Deewana, R… Rajkumar, aru Jai Ho. Tai laga last film Son of Sardaar 2 aru release honai.