May 31, 2025, 06:55 PM: AHoDs aru Senior Officer khan nimitey capacity building laga training organize kuria laga thakishey, itu Personnel & Administrative Reforms Department (Administrative Reforms Branch) para, 31st May, 2025 tey, Secretariat Conference hall, Nagaland Civil Secretariat, Kohima tey.
Chief Secretary, Dr. J Alam para tai laga bhabana share kuri kena bhal governance laga importance aru senior officer khan laga role emphasize kurishey, decision khan banawa laga tey.
Tai para Executive Business laga Nagaland Rule khan laga importance emphasize kuri thaka homoi tey, Alam para itu officer khan ke itu khan bhal para sai kena jaboley urge kurishey, tai para aru koishey ki, executive business laga Rule khan toh hoiley actually governance laga basic document asey. Tai para itu bhi point out kurishey ki, bishi officer khan toh hoiley ene khali pick kurey aru purey itu Nagaland rule khan laga part khan toh, executive business laga, kuntu toh hoiley tai khan important point khan toh miss kurey diye bishi bhak tey.
Alam para koishey itu service conduct rule khan, discipline aru appeal rule khan toh bishi para moi khan Nagaland tey service conduct aru discipline rule khan toh nachulai thakey, bishi bar wala, itu nimitey moi khan itu rule khan opor tey bishi bhak najani kena bhi thakey, judi bhi P& AR department toh itu matter khan tey guide kuriboley thakilebi.
Add Comment