JAKARTA:Airline koishe biya weather nimite Lion Air Jet laga black box bisari bole deri hoishe. Lion Air Jet toh October 29 te Java sea te crash hoishe. Search operation toh dui din para delay hoishe. Biya weather para specialized ship ahibole dikdar de ase.
Crash toh duiniya laga first Boeing Co 737 MAX jet ase. Etu para 189 manu murishe. Main wreckage aro second black box toh age laga search para recover kuribo para nai koishe.
Lion Air koishe tai para 38 billion rupiah ($2.6 million) fund kurishe. Etu funding toh search operation te dishe. Etu toh offshore supply ship MPV Everest te fund kurishe. Etu offshore supply ship toh search area te Monday te ahibole expect kuri ase. Airline Sunday te koishe Malaysia laga Johor Bahru port te biya weather aro bishi pani geri ase. Etu situations nimite equipment aro crew mobilize kuribo napari kena ase. Delay hoikena ship toh crash site te Wednesday te ahibo.
Lion Air laga search kuribole khorcha uthabole decision toh duniya laga norms te rare test ase. Enika search operations laga korcha toh typically government para uthai.
Lion Air kioshe law hesab te cockpit voice recorder bisari bole duty aro responsibility toh Indonesia laga transport safety committee (KNKT) laga ase.
Transportation ministry spokesman koishe tai khan investigation fund kuribole oblige ase. Cockpit voice recorder bisaribole laga responsibility toh airlines laga ase.
Indonesian investigators jua hafta koishe bureaucratic wrangling aro funding problem para recorder bisari bole dikdar hoishe. Etu nimite government Lion Air ke modot nimite koishe.
Safety experts koishe investigation kuribole fund modote manga toh parties nimite unusual ase.
Flight data recorder toh crash din para teen din te recover kurishe. Etu para aircraft systems aro crew inputs te insight te paishe. Crash laga cause toh etiya bhi clear huwa nai.
Add Comment