June 11, 2025, 06:32 PM: ‘Immunization aru Stop Diarrhoea’ nimitey District Task Force para ekta meeting loishey, itu Extra Assistant Commissioner Longleng, C. Tsalimse Sangtam NCS laga chairmanship under tey, itu Deputy Commissioner Office Longleng laga conference hall tey para, 11 June, 2025 tey.
Chief Medical Officer, Longleng, Dr. Tiasunep para tai laga welcome address deliver kuria homoi tey, ekta khata immunization, diarrhoea preventive measures aru hygiene laga opor tey present kurishey. Tai para tatey thaka sob manu khan ke encourage kurishey, itu awareness toh punchaboley karney, Diarrhoea, ORS chualboley laga, aru Zinc tablet khan laga opor tey, itu community ke.
Dr. Imtijungshi District Immunization Officer (UIP-RCH), Longleng para itu status report present kurishey, itu immunization laga, zero dose children laga district percentage, dropout rate khan, aru itu drop out laga reason khan thaki kena.
Tai para aru bhi highlight kurishey, itu challenges khan laga, immunization coverage achieve kuria laga, itu district tey. Tai para itu sob NGO khan aru stakeholder khan ke support kuriboley koishey, itu target percentage toh achieve kuriboley laga tey.
Tai para itu bhi koishey, diarrhoea toh hoiley ekta usual symptom asey, ekta infection laga, itu intestinal tract tey hoa laga, kuntu toh hoiley alag alag kisim laga bacterial, viral aru parasitic organism khan para hoboley pari asey. Infection toh hoiley khawa saman toh biya hoi kena khawa para spread hoi nahoilebi manu – manu para bhi lagi jai, hygiene thik nathakiley.
Itu nimitey safe aru sapha pani khaboley lagey, sanitation toh improve kuriboley lagey, aru sabun para haath toh safa para dhulaboley lagey, itu khan kurishey koiley bimar hoboley laga risk toh komti hoi jai nahoilebi diarrhoea spread hoboley thaka toh komti hoi jai.
Tai para advise kurishey, diarrhoea toh hoiley oral rehydration solution (ORS) logotey treat kuriboley lagey, ekta sapha pani laga solution, chini aru nimok laga. Aru itu logotey, ekta 10-14 din laga supplemental treatment course, dispersible zinc tablet khan laga loboley lagey, diarrhoea hoi thaka duration toh khata kuriboley aru outcome khan improve kuriboley.
EAC para comment kurishey ki, itu sob convergent department khan – Social Welfare, School Education, aru Health & Family Welfare khan nishina, tai khan toh hoiley ekta active role play kuriboley lagey aru ensure kuriboley lagey bacha khan toh routine immunization vaccine loi asey koi kena, aru itu elimination campaign bhi thik para support kuriboley lagi asey.
Add Comment