New York, 26 June : Hollywood film ‘Dune’ aru ‘Blade Runner 2049’ direct kora filmmaker Denis Villeneuve officialy next James Bond film direct koribo lagi ase. Itu announcement Thursday din Amazon MGM Studios laga social media post te diya hoise. Tai laga wife, Tanya Lapointe, bhi itu project te executive producer hisebe join kori se. Aru Amy Pascal aru David Heyman, dujon milike, James Bond film laga producer hobo.
Variety logot ekta conversation te, Denis Villeneuve koi se, “Moi laga sab se aage film dekha laga memory 007 logot connect kora ase. Moi moi laga baba logot James Bond film, ‘Dr. No’ Sean Connery logot, dekhibi shuru kora. Moi ekdom hardcore Bond fan. Moi karone, Bond to ekta sacred territory nisena ase.” Tai aaru koi se, “Moi tradition ke respect koribo aru anek nijan mission khan karone ekta path khuli dibo. Itu ekta dangor responsibility ase, kintu moi etu logot bisi excited aru honored feel korise. Amy, David aru moi full excited ase Bond ke abar screen te loi ahibo karone. Dhanyobaad Amazon MGM Studios ke, etu bishwas rakhibor karone.”
Amy Pascal aru David Heyman dujon milike koi se, “Denis Villeneuve chhoto thaka pora James Bond films logot bhalpowa ase. Tai laga dream hoise itu film banabo, aru ahikhan amikhan laga dream bhi banigise. Ekjon extraordinary filmmaker laga haat te thaka amikhan lucky feel korise.”
Juntu manu janibo nohoi, Denis Villeneuve tai laga career start kori se National Film Board of Canada te director hisebe. 57 bosor laga etu filmmaker ‘Arrival’, ‘Sicario’, ‘Prisoners’, ‘Enemy’ aru ‘Incendies’ nisena films karone bhal janise.
Add Comment