Squid Game season 3 full ending recap: 

Seoul, 28 June : Seong Gi-hun, jun ekta time Squid Game jitise, season 3 te phir pora game join kore. Eibar, tai game bondho kuribo lage buli decide kore. Kintu sab kisu tai laga plan hisab te na jai.

Shurute, Gi-hun ke ekta coffin te wapas loya jaise. Tai mori nai, kintu usor mon pura bhangijaise karon usor bondhu Jung-bae ke harai dise. Gi-hun chup thake aru dukhi thake, kintu game to choli thake. Etu bar, ekta hide-and-seek game hoise. Player khan red aru blue team te divide kori dise.

Red team ke ekjon blue player ke knife pora mari bole lage. Blue team laga pass te ekta key thake juntu door unlock koribo pare aru safe jaigate jai pare. Final room para bahar ahibo karone blue team ke 3 ta key laga dorkar ase.

Hyun-ju, Geum-ja, aru Jun-hee ekjon logot team up kore. Game cholite thaka time Jun-hee ekta baby ke birth dise. Pichhite, Hyun-ju mari jai Jun-hee aru Geum-ja ke bachai thaka time.

Tar pichhite, Geum-ja nijor aji Yong-sik ke mari dise Jun-hee aru baby ke bacha bole. Tai Gi-hun ke request kore ki baby aru Jun-hee ke dekha koribo. Tai ekdom dukhi ho jai aru etu ratite suicide kori luse.

Next game te, robot Young-hee aru Cheol-su wapas ahi jai. Game hoise ekta giant jump rope juntu ekta narrow track upor te hoise. Gi-hun baby ke sling te rakhi jump kore. Tai aru Myung-gi bachi jai. Kintu Jun-hee try kori baby ke bacha bole aru tai mari jai.

VIPs decide kore ki baby game te thakibo aru baby ke Jun-hee laga number 222 dise.

Pichhite, Gi-hun Front Man In-ho logot bheti jai, jun past winner bhi thakise. In-ho Gi-hun ke usor jeet laga kahani koi dise aru ekta offer dise — ki tai bhi manuh ke mari jeetibo pare. Gi-hun try kore, kintu ruki jai.

Last round te, Gi-hun, Myung-gi, Min-su aru baby bachi thake. Game laga naam hoise Sky Squid Game. Eitu te agbar koribo karone pratek step te ekjon ke moribo lage.

Last te, Gi-hun, Myung-gi aru baby bachi thake. Myung-gi try kore baby ke maribo, paisa karone. Gi-hun fight back kore aru jeet jai. Kintu tai nijor life diya dise baby karone. Tai VIPs ke koi dise ki tai khan manuh ke janwar nisena treat kore. Gi-hun mori jai, kintu baby jeet jai 4.56 billion won laga prize.