Agencies, 22 December: Duniya laga konbah ektum renowned cricketers – Chris Gayle, Shahid Afride aro Dwayne Bravo nesana toh ahibole edition Abu Dhabi T10 tournament te khela dekhibole ase. Etu Abu Dhabi T10 tournament toh January 28 para February 6 direk tak lowa thakibole ase. Pura tournament toh Zayed Cricket Stadium te khela thakibole ase.
Gayle toh all time laga greatest limitedover cricketer hobo nesana ase. Tai centre stage toh Team Abu Dhabi nemite icon player hisaab te thakibole ase. Tai laga belt te 1,000 T20 sixes logote, West Indian toh fast-paced ten-over format te perform koribole ektum mon hoi kena ase.
Organisers para statement dekena thaka te Gayle koise, “Format toh keman horu hobo eman game toh excite hoi. Zayed Cricket Stadium te ami khel khelibole aro rokhibole napara hoise. Abu Dhabi sabi- Gayle toh gara para ahai ase”.
Gayle toh Team Abu Dhabi laga part ase. Afridi toh Qalandars nemite icon player hobole ase, Bravo toh Delhi Bulls nemite, Russell toh Northern Warriors nemite aro Narine toh Deccan Gladiators nemite thakibole ase.
Event te tusara dangor naam feature hobole khan toh former Pakistan captain Shoaib Mailk hobo aro tai toh defending champions Maratha Arabians nemite hobole ase aro Sri Lankan duo of Thisara Perera (Pune Devils) aro Isuru Udana (Bangla Tigers) ase.
Afridi para tai toh Abu Dhabi T10 te korai ahibole shai ase koise aro duniya te ekta most stunning stadiums te khelibole mon ase koise.
Abu Dhabi T10 league toh duniya te first-ever 10-over tournament ase full backing low ate aro International Cricket Council aro Emirates Cricket Board para sanction powa te.
Add Comment