Agencies, 27 April; Actor Jacqueline Fernandez para Tuesday te tai bacha time laga noksha share korise aro etu noksha te tai laga baba Elroy aro siblings ase.
Monday te Jacqueline para tai bacha time laga noksha share kora te baba laga birthday nemite wish kora thakise. Jacqueline toh boka kapura lakai kena thakise.
Occasion te industry laga sati khan para tai laga baba ke wish kora thakise. Jowa sal te be Jacqueline para tai laga baba laga noksha share kora thakise.
Hindustan Times te interview deya te tai para tai laga parent ke miss kora janaishe. Tai para be etu samai te tai laga parents logote thakibole monn howa janaishe. Tai para be tai khan laga health aro tai khan kenaka jai ase etu opor te monn jinda kora thakise.
Jowa sal last te tai Dharamshala te jaa toh ahibole film Bhoot Police laga shooting nemite thakise. Film te Saif Ali Khan, Yami Gautam aro Arjun Kapoor ase. Etu sal laga tetai ke tusara film, Bachchan Pandey nemite shot kora thakise. Etu moina agae te tai Akshay Kumar logote Ram Setu nemite shooting suru kora thakise.
Add Comment