Actor Milind Soman logot case dishe

November 7, 2020. Goa Police para actor aro model Miland Soman ke case  korishe. Tai para litera kam kora toh bahar te janai deya nemite. Police para  55 umer actor aro fitness deya manuh logot toh Sec 294 (Obscene acts and songs) of IPC aro Sec 67, IT Act, pithor te case thishe. Wednesday din actor para Goa beach te kapra nalakai naa noksa thakishe. Etu noksa te kowa toh “55 umer aro bolai ase!” etu noksa toh tai laga maiki Ankita para lowa ase, tai toh Assam para ase. Actor para etu noksa toh tai laga jonom din te shared korishe. Actor para noksa te lekishe ke, “Happy birthday ami ke, 55 aro bolai ase”. Media para koishe ke, South Goa SP Pankaj Singh para actor Milind Soman kelaaf  te Colva police station te case registered korishe. Police officer para koishe, case toh ek jun political organization, nam Goa Suraksha Manch para complaint kora beche case toh registered hoishe. Olop din agae te actor Poonam Pandey logot FIR deya nemite Goa Police khan kam korishe. Poonam aro tai laga mota Sam Bombay logot Thursday din Goa Police para thurishe. Tai jun para Canacona town, South Goa te “litera video” lowa nemite thakishe. Hoilebi, etu din te tai jun be bail para olaishe.