New Delhi: Ajay Devgn laga fans khan ekta khushi hobole laga kotha olaishe.Etu khushi kotha toh ‘De De Pyaar De’ lag film bona manu khan para etu film olabole laga din akhe kuri dishe .
Film critic aro trade analyst Taran Adarsh Tuesday din te khobor dishe ki Ajay Devgn-starrer film bona manu para paid previews toh rukhaidibo Thursday (May 16) te.” Update: #DeDePyaarDe olop akhe te olabo.Etu film bona manu khan para Thursday evening [16 May 2019] laga paid preiview toh rukhaidibo .Thursday preview laga advanced booking toh joldi shuru kurishe”,Tai tweet kurishe.
Etu film te Ajay charikena Rakul Preet Singh, Tabu, Alok Nath, Javed Jaaferi aro Jimmy Shergill ase.Etu film toh Akiv Ali para banaishe .Aro etu film laga kisaa toh 50 sal Ashish (Ajay), ekta maiki logote chara chari huwa laga kisaa ase kun ekta 26 sal maiki Ayesha Rakul para role play kura toh tai ke bhal lageh .Etu film te Tabu tai laga porana maiki laga role kuri ase .
Etu film laga kisaa toh Ajay kiman dukh pai ekta maiki tai laga bacha nishena sal logote bhal laga aro etu para ki hoi etu laga kisaa ase .Etu film laga poster toh March 22 te olaishe aro etu para manu khan asorit hoishe Ajay laga split dikhekena .
Ajay ke etia ‘Bhuj: The Pride of India’ te dikhibole ase .Etu film te tai Squadron Leader Vijay Karnik, kun 1971 Bangladesh Liberation War te Bhuj airbase laga incharge ase . Etu film te Sanjay Dutt, Sonakshi Sinha, aro Parineeti Chopra ase .
Add Comment