Animesh para sprint double khotom kure she

New Delhi, April 12, 2026: Animesh Kujur para Tamil Arasu ke harai kena mota khan laga 100m title jete she Indian Athletics Series-3 te, kunto Jawaharlal Nehru Stadium te khele she Saturday te. 22 sal Animesh toh National record durea ase 10.18s laga, tai Saturday laga race te 10.28 secs te para khotom kure bole pare she. Tai mota khan laga 200m race be jete she 20.74 secs te. 2025 season te be Animesh toh beshe bhal khele she, tai India laga first sprinter ase kun World Champions te qualify hoi she. Vishal T.K. toh 400m laga race title jete she, tai laga time toh 45.44 seconds thake she. Mota khan laga javelin throw te, Rohit Yadav toh top pai she 82.17 meter para. Sachin Yadav kun World Athletics Championships laga fourth thake she ja sal Tokyo te, tai second pai she 81.95 meter para.