AIZAWL: Smuggling kam kora thuri thaka te, HQ IG Assam Rifles (East) laga Serchhip Battalion 23 Sector Assam Rifles para Sunday din Chhungte, Mizoram’s Champhai district te foreign-origin cigarettes 40 cases thurishe koishe. Etu operation toh Champhai laga Assam Rifles aro Customs department joint team para khobor powa hesab te kam korikena thurishe. Foreign-origin cigarettes laga daam toh Rs. 52 lakh neshina ase koishe. Etu thura saman toh Customs Preventive Force Champhai logot thishe. Etu hatsa te ek jun manu ke thurishe aro legal kam hesab te jai ase. Mizoram te aro besi bakh India-Myanmar Border te drugs smuggling toh state te besi tangor bapana ekta hoishe. Assam Rifles ‘Sentinels of Northeast’ koikena tai khan para Mizoram te smuggling kam toh rokabo nemite kam kori ase. Friday Mizoram te Assam Rifles troops para Chhungte, Champhai district te foreign-origin cigarettes toh aro 30 cases thurishe koishe. Friday din joint operation toh HQ IGAR (East) pithor Serchhip Battalion of 23 Sector Assam Rifles aro Customs department Champhai melikena thura thakishe. Etu operation samai, joint team para aro foreign-origin cigarettes toh Rs. 39 lakh laga daam thurishe. Etu saman toh Customs Preventive Force Champhai logot pongchise. Joint team para etu connection te ek jun manu ke thurishe koishe.
AR para foreign-origin cigarettes 52 lakh daam thurise
Add Comment