AICC para tuita(2) Congress leaders ke observers junishe

GUWAHATI: All India Congress Committee (AICC) para tuita(2) senior Assam Congress leaders ke Manipur Assembly elections samai observers koriboli junishe, etu election toh 2022 saal te thakiboli ase koishe. AICC para Nagaon Lok Sabha MP aro former minister Pradyut Bordoloi aro Samaguri MLA & former minister Rakibul Hussain ke Manipur Assembly polls samai party observers junishe. Etu khobor toh Sunday din AICC general secretary KC Venugopal press statement te junaishe. “AICC para etu manu khan ke Manipur state te assembly elections samai Pradyut Bordoloi, MP and Rakibul Hussain, MLA ke observers junishe aro etu itya para effect koribo,” koikena Venugopal para statement te janaishe. Manipur toh itya BJP government te chief minister N Biren Singh para rule kori ase. BJP-led government te 6 MLAs para support withdrew korishe aro 3 BJP legislators para party jarikena June 17 darik te Congress joined korishe. Hoilebi, Chief minister N Biren Singh para trust vote toh August 10 darik te 28-16 para jetishe aro etu samai 6 Congress MLAs para Assembly te resignation submitted korishe. Media khobor hesab te Pradyut Bordoloi toh BJP join koribo neshina ase aro Congress high command para etu kam toh serious loishe. Leadership te important thibo nemite Congress para Pradyut Bordoloi ke alag-alag party committees te member junishe.