AGARTALA: Sunday din te Tripura Police para Trinamool Congress (TMC) leader ke Indranagar jaga, Agartala para abetment to suicide case ekta nemite thurishe. Tripura’s senior TMC leader Panna Deb ke chokri ekta suicide howa connection te tai laga ghor para thurishe aro local court te loikena jaishe. Court para police laga hath te tin(3) din bohiboli ase koishe. Mora manuh toh chokri thakishe aro tai toh 14 saal neshina mental beya hoikena thaka ase. Etu maiki toh TMC leader laga ghor manuh thakishe aro Deb laga ghor te ama logot bohi thakishe, koikena The Hindu para khobor toh janaishe. “mora manuh para toh ‘suicide note’ te Panna Deb para dukh deya nemite nam loishe. Tai besi dukh howa nemite etu kam toh koriboli olaishe, koikena police officer para janaishe. Deb toh Agartala Municipal Corporation (AMC) laga former Councillor ase aro tai toh State laga first senior leaders batch hoikena jowa saal July moina te TMC joined korishe. Tai toh TMC’s State executive te part loboli thaka ase. Tai ke thura toh TMC’s para State te political controversy hoi thaka samai ase. TMC para koishe ke, etu putnam toh party rank aro file beya koribo nemite ase. Subal Bhowmik, kaun Congress jarikena TMC joined hoishe, tai koishe ke State te jaga sob para hamla kori ase aro Panna Deb ke thura toh political nemite ase koishe.
Add Comment