GUWAHATI: Assam te flood halat toh bhal hoikena 48 gonda neshina hoishe koishe. Assam te tangor rivers laga paani level toh komti hoishe aro itya State te flood halat toh bhal wala te ase janaishe. Hoilebi, Assam laga 17 districts neshina te 1.76 lakh manu khan itya be flood nemite besi dukh te ase. Etu samai, Assam te flood laga first wave para ek jun mora khobor paishe. Etu notun mora khobor melaikena Assam te floods para 7 jun manu morikena ase koishe. 42 42 revenue circles pithor te 863 bosti neshina toh itya be paani pithor te ase. Assam State Disaster Management Authority (ASDMA) laga khobor hesab te, sob melaikena 23,884 hectares paani kethi toh flood para beya hoikena ase. Golaghat district toh sobse beya hoikena 63,984 manuh besi dukh te bohi ase, etu beche Darrang aro Morigaon te be halat besi beya hoikena ase koishe. Brahmaputra laga paani toh tuita(2) Jorhat aro Dhubri districts te danger level oper te paani othikena ase koishe.
Assam te flood halat bhal hoishe, 1.76 lakh dukh te ase
Add Comment