Bangkok, 28 March : India laga compound archers khan Archery Asia Cup Stage te pura dominate korina podium sweep kori dise, men’s individual event te. Team events te bhi India gold aru silver jiti loise mixed aru women’s category te.
India total 10 medal loise finish korise — 2 gold, 4 silver aru 4 bronze — individual aru team recurve aru compound events milaikena.
Men’s individual compound final te Uday Kamboj 145-144 score te Prathamesh Jawkar ke haraina gold jiti loise. Etu logote Rajat Chauhan bhi Peerawat Rattanapongkiat ke same 145-144 score te haraina podium sweep complete kori dise.
Women’s individual compound te Tejal Salve 144-135 te Mariia Dimidiuk ke haraina bronze jiti loise.
Mixed team event te, juntu Los Angeles 2028 Olympics te debut koribo, India laga pair Chikitha Taniparthi aru Rajat Chauhan 158-156 te Malaysia pair ke haraina gold jiti loise.
Women’s compound team te Chikitha Taniparthi, Raj Kaur aru Tejal Salve silver loina settle korise, Kazakhstan team logote 229-227 te close match hari jaise
Add Comment