Shillong, 28 March : Indian Sailing League 2026 aji officially start hoise Orchid Water Sports Complex te, juntu India te water sports karone ekta landmark moment kuina mani jaise. Conrad K Sangma colourful ceremony majot league open kori dise, kutey 8 country pora international sailors, dignitaries aru spectators attend kori ase.
Umiam Lake laga sundor background te opening ceremony tu 182 sailors loi hoise, kuntu majot te 58 international participants ase, aru 14 franchise teams India bhitor pora participate kori ase. Etu event Meghalaya ke ekta important sports destination hisab te uthai dise, juntu age pora Megha Kayak Festival nisina events bhi host korina professional paddlers khan ke attract kori ase.
ISL season te Olympic categories ILCA 6, ILCA 7 aru 420 Class thakibo, itu logote youth competition ILCA 4 (boys aru girls) aru Optimist categories bhi include korise.
Speech te Conrad K Sangma koi ase ki government actively kaam kori ase Meghalaya aru Shillong ke future te ekta major tourism aru sports hub banabo karone.
Add Comment