Thursday din China Wuhan te huwa Asia Badminton Championships 2019 laga Round 16 te Indian shuttler PV Sindhu, Saina Nehwal aro Sameer Verma khan jitikena quater finals te ghussise . Rio Olympic silver-medallist, sindhu para Indonesia laga Choirunnisa 21-15, 21-19 para haraidikena next round te ghussise .Aro Sania Nehawal para Korea laga Kim Ga Eun 21-13, 21-13 para haraidishe .Men’s singles te Sameer Verma para World No 16 Hong Kong’s Ka Long Angus ke 21-12, 21-19 para haraidishe.
Sindhu Quaterfinals te World No 17 China’s Cai Yanyan logote khelibo .Aro Sania kun etia ranking te 9th tai quaters te World No 4 Japan’s Akane Yamaguchi logote khelibo.
Verma bishi bhal para shuru kurishe first game te Hong kong laga khelari logote aro second game toh alag hoijaishe .
Verma second set laga 11 all scoreline thaka time te tai laga khel bodli kurikena five back to back points loishe .Angus eman bhui nakhaikena 5 ta straight points loishe .19 all te verma tinta consecutive points loikena match toh jitishe .
Mixed double laga category te India laga khelari Utkarsh Arora aro Karishma Wadkar Indonesia laga khelari Hafiz Faizal aro Gloria Emanuelle Widjaja logote harishe .
Add Comment