Thursday din etia jai thaka Bejing te luwa ISSF World Cup 2019 te India khan duita gold jitishe . Anjum Moudgil aro Divyansh Singh para 10m Air Rifle Mixed team event laga top te punchise .Etu pichede Manu Bhaker aro Saurabh Chaudhary khan bi gold add kurishe 10m Air Pistol Mixed team event laga top te puncha nimete .Etu event laga bronze medal toh Russia laga Yulia Karimova aro Grigorii Shamakov jitishe .
Anjum aro Divyansh’s final toh bishi close thakishe Chinese pair Liu Ruxuan aro Yang Haoran logote etu time te hosts khan 13-11 advantage loikena thakishe .Hoilebi Anjum aro Divyansh wapas ahikena 15-15 te level kurishe tai khan 17-15 para najita akhe te.
Beijing World Cup te arobi Manu aro Saurabh para India medal tally te aro ekta gold dhalidishe .Etu dui jun bishi bhal khelikena etu Chinese khelari khan ke 16-6 gold medal bout te haraidishe .Etu duita Indian khelari toh qualification te 482 points loikena 5th position te thakishe ,
Etia India laga dusra Khelari Heena Sidhu aro Shehzar Rizvi 12th (479 points) te ahise.
Add Comment