Agencies, 18 October: Saturday te India maike khan para tai khan laga sob tinta matches jetishe aro Asian Online Nations (Regions) Cup Team Championship laga six rounds bechide Philippines aro Iran logode top jaga te join hoise.
Tinta round bechide eighth jaga te din suru korikena, top-seeded Indians para Myanmar (3-5-0) ke fourth round te jetishe. Etu age te Singapore (4-0) ke round five te jeta thakise aro din toh sixth round te Indonesia (3-1) ke jetishe.
Woman Grandmaster R Vaishali aro IM Padmini Rout toh India nemide star performers thakise. Tai khan para sob tinta games te kamiyaab korise.
Top board te, Chennai-based Vaishali para Indonesia laga higher-rated Irine Kharisma Sukandar ke jeta thakise. Etu agae te Qianyun Gong (Singapore) aro Hsu Lwin May (Myanmar) ke kamiyaab kora thakise.
Saturday din Rout para Soe Ohnmar (Myanmar), Yang Hazel Liu (Singapore) aro Chelsie Monica Ignesias Sihite (Indonesia) ke jeta thakise.
India toh 10 Match Points (tuita jeta, ekta draw) te ase aro Philippines aro Iran logode eki points te lead ase.
Add Comment