Agencies, 23 October: Friday te top-seeded Indian women’s team toh Asian Nations (Regions) Online Cup 2020 Championship laga semifinals te kushise. Aro moda counterparts para be Mongolia kelaaf te kamiyaab korikena last four berth kamiyaab korise.
Indian maike toh last eight round te Kyrgyzstan kelaaf te bonabole parishe aro tuita match toh sosta para 4-0 aro 3.5-0.5 te jetishe. Etu toh preliminary Swiss system phase te top powa bechide. Indian maike toh Saturday te Mongolia kelaaf semifinal khelibole ase.
Tusara side te Indian moda khan toh Mongolia kelaaf te gara fight kora thakise. Tuita matches be eki 2.5-1.5 scoreline te India laga favour te kothom korise. Indian moda khan toh Saturday laga semifinal Iran kelaaf khelibole ase.
Young woman Grandmaster R Vaishali toh tai laga tutia matches te kamiyaab korikena phal run te thaki thakise. Tai para Alexandra Samaganova kelaaf kamiyaab kroise aro Padmini Rout aro P V Nandhidhaa be tuita jet logode register howa thakise.
Bhakti Kulkarni toh second match te Begimai Zairbek Kyzy kelaaf ekta points nama thakise.
Vaishali toh preliminary round te 6.5 laga score logode phal form te thakise. Aro captain Mary Ann Gomes para fiv e jet logode fifth board nemide gold loise.
Padmini Rout para silver toh third board nemide nine matches para 7.5 points logode loise. Experienced K Sasikiran para be second board nemide 8/9 score logode silver loise. Men’s quarterfinals te Indian men toh Mongolia para gara challenge te lok korise.
First match te, Nihal Sarin toh gara fight bechide Ganzorig Amartuvshin ke namishe aro SP Sethuraman aro Sasikiran toh Tsegmed Batchuluun aro Sugar Gan-Erdene ke kamiyaab korise aro Captain Surya Sekhar Ganguly toh Sumiya Bilguun logod draw hoise.
Second match te, B Adhiban toh top board te khelishe aro Ganzorig Amartuvshin ke par koise aro Sarin toh Sumiya Bilguun kelaaf kamiyaab korise. Tournament toh October 25 direk finals khelikena kothom hobo.
Add Comment