Guwahati, February 19 : Assam police laga Criminal Investigation Department (CID) para senior congress leader Rahul Gandhi ke huda hudi kuribole nimitey matisey .
Assam CID para Rahul Gandhi aro dusra Congress leader khan ke Guwahati te Bharat Jodo Nyay Yatra chuli thaka homoitey public property ke barbad kora laga iljam te huda hudi kuribole matisey.
Rahul Gandhi laga alava Assam CID para mata alag Congress leader khan tu : KC Venugopal, Jitendra Singha Alwar, Bhupen Borah, Gaurav Gogoi aro Debabrata Saikia asey.
Zakir Hussain Sikdar aro Raen Kumar Sarma ke bi matisey.
Assam CID para Congress leader aro Rahul Gandhi ke February 23 te takhan laga samney te pesh hobole koisey.
Judi Congress neta khan February 23 te taikhan laga ageyte pesh huwanai koiley, CrPC laga section 41A (3) under te taikhan tu arrest hobole parey.
Etu notice te enaka likhikina thakisey, “CrPC laga Section 41A laga sub-section(1) under te power diya hisap te, Police Station Basistha te register huwa Prevention of Damage to Public Property Act. 1984 laga FIR/Case No. 55/2024 dated 23/0102024 U/S 120B/142/147/283/253/332/333/188/427 IPC laga investigation chuli thaka homoitey, etu janisey ki apni ke huda hudi kuribole nimitey reason asey, etya investigation kora laga relation te. Etu nimitey apni khan tu 23/02/2024 te Ulubari, Guwahati, CID police station te 11:30 AM te ami laga agey te pesh hobole lagey.
Add Comment