Guwahati, July 10 : Assam laga Chief Minister Himanta Biswas Sarma para Monday (July 10) te 7ta maan college ke university te uthaidibole tayar asey.
CM Himanta Biswa Sarma para enaka koisey, “Amikhan laga Assam ke Northeast India laga educational hub(pora likha laga centre) banabole laga kosis te amikhan para 7ta college ke university te uthaidibole plan kuri asey.”
Assam CM para koisey ki ekbar etu complete hoija pichetey taikhan para 2021 para loikina etya tak te 10ta nutun university bana laga hobo.
Assam laga CM para Sunday (July 09) te etu 7ta college khan laga principal ke lok kurisey kuntu ke university te upgrade kuribole asey.
University te uthaidibole thaka Assam laga 7ta college khan tu etu asey :
Sivasagar College
Silchar laga Gurucharan College
Jorhat laga Jagannath Baruah (JB) College
Kokrajhar college
North Lakhimpur College
Nagaon laga Nowgaon College
Bongaigaon College
Assam laga CM Himanta Biswa Sarma laga hisap te rajya laga sob nutun university khan te bisi jaruri subidha thakibole asey.
Etu te : NEP 2020 laga hisap te sobsey nutun pedagogy(teacher khan para student ke sikha laga tarika), behtar building, university te student laga seat baraidiya, alag alag subject sikha laga university, PG laga seat baraidiya aro UG aro pG course laga bich te behtar mila mili thaka aro UG aro PG course ke sikhabole nimitey faculty members(university laga professor khan) laga sobsey bhal tarika te istamal kora khan shamil asey.
