Guwahati, February 11 : Assam laga Director General of Police (DGP) GP Singh para X(Twitter) te all-round development anibole nimitey economic growth ke agey barabole nimitey peace(shanti) kiman jaruri asey etu janaisey. Kuntu para jibon laga quality ke improve kuridibo aro garibi ke kom kuridibo.
DGP GP Singh para rajya te shanti laga mohol banaikina rakhibole nimitey Assam Police para nihilikina pura dedication para kaam kora tu janaikina enaka koisey, “Shanti tu economic growth, all-round development, jibon laga quality aro garibi komti kuridiya laga sine qua non(etu nathakisey koile eku kuribole napara) asey.”
GP Singh laga etu bayan tu NITI Ayog para Assam laga garibi dur kuribole laga kosis ke tariff kora picheyte ahisey. NITI Ayog para nutun data pa hisap te, Assam tu juwa 9 saal para Poverty Headcount Ratio te dangor decline huwa dikhisey.
Add Comment