Gangtok, February 11 : Sikkim laga Central Referral Hospital (CRH) para February 11 te juwa rati (February 10 laga rati) te ekta bhayanak accident huwa picheyte jokhom khaikina admit huwa manu khan laga halat etya kinaka asey etu update kurisey. Etu ghotna te 3jun manu murisey aro 27 manu jokhom khaisey.
Central Referral Hospital (CRH) para total 27 manu jokhom huwa laga report disiley. Etu 27 manu majotey, duijun manu tu hospital te pungcha homoitey murikina thakisey. Aro ekjun manu tu hospital laga critical care team para sobsey best effort dhala lahga bawajut bi murijaisey. Jokhom hoikina first aid pa picheyte 4jun marij ke hospital para discharge kurisey. Etya tu 6jun manu ekdam biya halat te asey aro taikhan tu Surgical ICU, Neurosurgical ICU aro Orthopaedic ward te admit hoikina asey.
Etu manu khan majotey duijun manu laga halat tu ekdam biya asey aro taikhan tu ekta surgical aro orthopaedic surgeon laga care te asey. Jokhom kha dusra 14 manu laga tu CRH laga surgical ward te ilaj chuli asey.
Total jokhom kha manu majotey, 21 manu tu Sikkim East District te boha manua sey aro baki duijun manu tu West Bengal laga Malda aro Kalimpong district laga asey. 3jun murija manu majotey, duijun tu Sikkim laga East district para aro ekjun tu West Bengal laga Alipurdar (Jaigaon) para thakisey. Etya, 20 manu tu CRH te admit hoikina asey. Etu majotey duijun tu ekdam serious halat te asey aro baki khan laga ilaj chuli asey.
Add Comment