Agartala, February 11 : Online te ekta video viral hoisey kuntu te, orthopaedic implant saman supply kora ekta businessman para Agartala laga IGM Hospital te ekta operation chuli thaka homoitey surgeon(surgery kora doctor khan) ke ekta operation kuri thaka homoitey modod kora dikhi thakisey.
Tripura Health Department para etu mamla te ekta investigation suru kurikina logalog action loisey. Etu viral huwa video te ekjun surgeon laga apron lagaikina thaka manu para surgeon laga apron lagaikina duijun orthopaedic surgeon logotey milikina sarkari hospital te surgery kuri thakisey.
Manu khan chinta hoi thaka nimitey Tripura Health Department para etu ghotna ke gherikina thaka mamla ke bujibole nimitey jaanch suru kuridisey. Official khan tu etya sai asey ki enaka businessman para duita surgeon logotey milikina operation kora tu authority paikina kora asey na surgery kora homoitey nyom aro kanoon ke bhanga laga mamla asey etu sai asey.
Agartala laga etu IGM Hospital tu ekta jana mana hospital asey aro ilaj kurithaka homoitey nyom bhanga para ilaj hoithaka manu laga suraksa aro ilaj thik para hoisey na nai etu te sawal uthai. Health department para rajya te transparency(khula khuli kaam kora) anibole aro ilaj kora laga standard ke maintain kurikina rakhibole nimitey etu mamla laga gehrayi tak jabole aim kuri asey.
Investigation suru hoija picheyte, manu khan para etu ghotna laga detail jankari pabole rukhi asey. Aro nyom laga palan nokora nimitey ki action lobole asey etu bi janibole rukhi asey. Patient(ilaj hoithaka manu) khan laga gao aro suraksa tu ekta top priority hoikina thaki asey aro authority khan tu utu jaga laga ilaj kora system laga integrity ke maintain kurikina rakhibole committed asey.
Add Comment