GUWAHATI: Assam te 24 gonda majot te Covid-19 bemar para aro 8 jun morishe aro 444 notun cases thurishe. Etu khobor janai deya te, Assam chief minister Himanta Biswa Sarma para tai laga Twitter handle te 61,642 tests lowa pithor te notun cases toh thurishe koishe. Assam laga positivity percentage toh sob melaikena itya 0.72% te ase. Notun positive cases pithor te Kamrup Metro district te 94 cases khobor ase. Wednesday din dak te state te bemar bhal howa rate toh 98.13% thakishe. Bemari rate toh- aji laga khobor toh sob melaikena 444 cases, 61,642 test lowa te positivity Percentage (444 cases) te 0.72%); Kamrup (M) 94 aro 8 jun morishe, bhal howa rate toh 98.13%, ase koikena chief minister Sarma para janaishe. Tuesday din dak te Covid-19 bemar para Assam te 9 jun morishe aro sob melaikena 493 positive cases ase. Assam te sob melaikena Covid-19 positive percentage toh 0.70% ase aro positive cases toh 70,893 tests lowa te thurishe. Tuesday din te Kamrup Metro district te 138 positive cases thurishe aro Tuesday din te state laga recovery rate toh 98.08% thakishe.
