Nagoan: Assam treasury department laga employee ek jun para poisa loi thaka red-handed thurishe koishe. Etu incident toh Assam Nagaon district te hoishe. Etu thura employee laga nam toh Khushbu Harlalka aro tai toh Junior Accounts Assistant ase koikena janishe. Tai para poisa Rs 1000 toh constable Nabin Bora laga hath te para Government Provident Fund (GPF) poisa release koribo nemite loi thaka thurishe koishe. “Bora para ami logot koishe ke etu maiki para toh poisa demand kora toh janaishe aro tai ke thurishe,” koikena Nagaon SP Anand Mishra para khobor toh janai thishe. Tai para aro koishe ke, policewomen team ekta civil dress te jaikena tai khan para constable laga hath para poisa lowa toh videographed korikena etu maiki ke thurishe.
Assam:Treasury department employee para poisa loi-thaka nemite thurishe
