GUWAHATI: Assam te 24 gonda majot 763 notun Covid-19 positive cases thurishe aro bemar para 20 manuh morishe kowa khobor paishe. Etu khobor confirm korikena Assam chief minister Himanta Biswa Sarma para koishe ke, notun cases toh 24 gonda pithor 1,15,465 samples tested kora te thurishe. State laga positivity percentage toh Friday din dak te 0.66% thakishe. Friday din Kamrup Metro district te 124 positive cases khobor thakishe. Friday din te aro puila Covid-19 bemari hoi thaka tai khan 100 neshina bhal hoishe. Assam laga recovery rate toh itya 97.33% te ase. “Summary of 13/8/2021 – Today’s Total 763; Overall Positivity Percentage (763 cases out of 1,15,465 test done = 0.66%); Kamrup(M) 124; Death 20; Recovery Rate 97.33%,” chief minister Sarma para khobor toh janaishe. Thursday din Assam te Covid-19 bemar para 17 jun morishe aro 935 positive cases ase. Etu positive cases toh 1,11,728 tests kora te thurishe. Sob melaikena positivity percentage toh 0.84% ase. Thursday din Kamrup Metro district te 163 cases thurishe. Etu samai 53 crore vaccine doses toh India pura te Nationwide Vaccination Drive pithor te thikena ase. Sob cases melaikena active cases toh 1.20% te ase aro etu March 2020 beche sobse komti cases ase. India’s te active caseload toh itya 3,85,227 te ase. Sobse besi recovery rate toh itya 97.46% hoikena ase. Itya dak India te sob melaikena 3,13,02,345 jun bhal hoikena ase, etu khobor toh Union health ministry data hesab te janaishe. India te 24 gonda pithor te 42,295 bemar manuh bhal hoishe.
Assam te 763 notun positive cases aro 20 mora khobor
