UDALGURI: Assam te environmental group ekta Aranya Suraksha Samiti koikena tai khan para chief minister Himanta Biswa Sarma logot Orang National Park te Rajiv Gandhi laga nam hataboli janaishe. Etu group para Rajiv Gandhi Orang National Park toh Orang National Park te nam thiboli demand korishe. Aranya Suraksha Samiti laga General Secretary, Dr Hari Charan Das para etu nemite Assam chief minister Himanta Biswa Sarma ke August 13 darik te memorandum thishe. Petition hesab te, Orang Wildlife Sanctuary toh 1985 saal te former Prime Minister Rajiv Gandhi laga nam thishe hoilebi 1996 saal campaign samai Sanctuary thaka toh national park bonaishe. 1999 saal te, nam toh putli hoikena Orang National Park janaishe, hoilebi aro 2001 saal te purana Tarun Gogoi-led Congress Government para etu park laga laga nam toh aro Rajiv Gandhi Orang National Park janaishe. “purana Prime Minister laga nam toh India laga history te golden para lekibo , hoilebi national park toh tai laga nam thiboli neum nahoi,” koikena memorandum te janaishe. Orang National Park laga jaga toh 79 sq km neshina ase aro etu toh 101 one-horned rhinos (2018 figures), 24 majestic Royal Bengal Tigers aro avian aro aquatic species laga ghor ase.
Environmental group para Orang National Park te Rajiv Gandhi nam hataboli koishe
