Agencies, 14 November: Australia laga tour nemide daiyar kori thaka Indian team para Saturday te outdoor training toh light session logode suru korise. Etu toh COVID-19 nemide pura contingent te negative test ola bechide ase.
Etu par UAE te Indian Premier League te compete kora besi cricketers majode Hardik Pandya, Prithvi Shaw aro Mohammed Siraj be melikena Blacktown International Sports Park, Sydney Olympic Park pithor te session te thakise.
BCCI para outdoor training aro gym session laga photo Twitter te share kora te Spinner Kuldeep Yadav, pacer Umesh Yadav, all-rounder Ravindra Jadeja, Shardul Thakur aro Test batting mainstay Cheteshwar Pujara toh warm up kora thakise.
India laga sobse notun pace T Natarajan, and Deepak Chahar be photo te dekhise.
Indian team toh aji kali 14-din quarantine samai te ase aro khobor powa hisaab te members para suru COVID-19 test toh clear korise.
India toh tinta ODIs, tinta T20s aro jarta Test series toh tour te khelibole ase aro etu toh T20Is November 27 para suru hobo.
Test series toh din-rati game logode suru hobo aro etu toh Adelaide jaga te December 17 para suru hobo. Skipper Virat Kohli toh last tinta matches te missed kora thakibole ase kelay koile tai toh paternity leave nemide.
Add Comment