Agencies, 09 January: Austrialian Open agae duniya laga top tennis players toh South Australia (SA) te khelibole ase. World number one Novak Djokovic, Rafael Nadal aro 23-time Grand Slam champion Serena Williams toh sports stars khan majote thakibole ase. Tai khan toh January 29 direk exhibition tournament agae te Adelaide te quarantine te thakibole ase.
Ekta event toh Adelaide, SA laga capital city te lobole ase aro sob melikena eight players te top three ranked men’s aro women’s players Dominic Thiem, Simona Halep aro Naomi Osaka be melikena ase aro lakitha samai te player announcement toh koribole ase.
Sport laga governing body, Tennis Australia para Saturday statement te international players laga group toh Adelaide te January 14 direk te ponjibole ase aro 14 din nemite mandatory quarantine te thakibole ase koise.
Event toh tuita sessions te lobo aro venue capacity toh state government para safety lakiya hisab te namabo.
SA laga Premier, Steven Marshall para tournament secure kora toh state nemite real coup” thakise koise.
Tai para statement te, South Australia para COVID-19 pandemic te shaa opor te etu toh hosha laga support dekhaideya laga ase aro world-class events te attract koribole para laga ase koise.
2021 Australian Open toh February 8.21 te Melbourne Park te lobole ase. Grand Slam event bechite, Adelaide para International WTA 500 event toh February 22 to 27 te lobo aro 70 nesana duniya laga best maike players khan hisha thakibo.
