March 16, 2024 : Awareness baraboley laga bid tey, effective para dispose kuriboley laga regard tey, waste scientist laga, Nagaland Pollutant Control Board (NPCB) aru tai laga team para visit kurishey, Tening Town tey aru gyan khan share kurishey aru strategy khan share kurishey, bhal para waste management kuriboley nimitey.
Itu program toh hoiley Tening Town Council logotey collaborate kuri kena organise kurishey, aru itu toh hoiley Town Council Hall tey para loishey, kuntu toh hoiley 14th March, 2024 tey para loishey, NPCB laga Scientist – Yanathung Kithan logotey, tatey tatey resource-person hisap buhi kena.
Itu jama kuria manu khan ke address kuria homoi tey Scientist Yanathung Kithan para thik thak para alag alag kuriboley laga aru dispose kuriboley laga koishey, sukha aru bhija thaka letra khan laga, environment toh healthy thakiboley, itu concept toh aha din nimitey bhi eneka he kuri jaboley, waste management laga.
Tai para itu jama kuria manu khan ke encourage kurishey, ekbar karney chula laga plastic khan komti kuriboley koishey, itu ekbar karney chula laga saman khan, para tak, especially plastic laga saman khan, aru hudai para toh recycle kuriboley kushish kuriboley koishey, nahoiley ekbar chulai kena aru bhi chulaboley koishey, misa mishi dispose kuria para toh, kiley koiley eneka kuriley he itu toh modod kuribo, mati bhitor khan tey plastic khan thaka toh, kuntu para toh astey astey para mati, pani aru hawa laga pollution khan toh komti hoi jabo.
