AGENCIES: Czech Barbora Krejcikova para singles-doubles title toh French open te jita toh khotom kurishe Sunday din te etu bi tai para womens doubles trophy compatriot Katerina Siniakova logote milikena tai khan para Iga Swiatek and Bethanie Mattek-Sands ke 6-4 6-2 para haraidiya thakishe.Krejcikova toh akhe wala khelari hoishe womens singles aro doubles title paris te jita toh etu bi Frenchwoman Mary Pierce para 2000 te kura pichede hoishe.
Etu 25 umar Krejcikova kun singles te 15th te uthibo tai laga maiden Grand Slam singles title Saturday te jita pichede tai toh world number one doubles player te wapas ahibo etu ranking toh Monday din te ola pichede.Swiatek, 2020 singles champion, aro Mattek-Sands toh tai khan laga third tournament te kheli ase milikena aro paishe etu toh kara para jai thaka toh Siniakova’s nimble movement laga khilaaf te aro skilfull net play te aro Krejcikova’s strong performance baseline te thakishe e.
second-seeded Czech pair kun para aro bi 2018 te Roland Garros title jita toh joldi hi 5-1 lead kurishe aro etu te Swiatek and Mattek-Sands 5-4 te ahishe tai khan para Krejcikova ke rukhabole paranai etu set nimete khela toh.
Ekta windy din te Parisian sun te siniakova toh dikdaar di thakishe tai laga serve logote aro etu Czech duo logote sob milaikena aata double faults kurishe match te.
Hoilebi etu duita khelari kun para aro bi 2019 Wimbledon doubles title, jita toh etu serving te dikdaar paa toh wapas ahise tai khan laga experience aro bhal combination te.
Etu number two seed toh second set te ekbar hi serve harishe hoilebi tai khan laga opponents ke tin bar phangaidishe aro etu jitishe etu bi siniakova para backhand winner marishe tai khan laga second match point te.
