Agencies, 03 December: Board of Control for Cricket in India (BCCI) para December 24 te 89th Annual General Meeting (AGM) lobole ase. AGM te urgent issues opor te kotha koribole khan majode, BCCI para tuita notun Indian Premier League teams ke melabole opor te sob state associations laga representatives para approvals lobole ase.
AGM laga detail agenda toh ekta notice BCCI secretary Jay Shah para sign kora te deya thakise.
Notice te 89th BCCI AGM te kotha koribole 23 issue toh list kora thakise aro etu te ANI para access thakise. IPL Governing Council te vice-president laga election aro General Body laga tuita representatives election be melikena ase.
Mahim Verma ke toh jowa sal BCCI laga vice-president nemide elect howa thakise. Tai etu sal tai laga post para resign howa thakise. BCCI laga proposed amendment opor te Supreme Court hearing toh December 9 te thakibole ase. Etu para be BCCI President Sourav Ganguly aro secretary Jay Shah laga fate te fesla koribole paribo.
Board te Ombudsman aro Ethics Officer laga appointment be thakibo. Etu opor te, Indian Cricketers’ Association nemide representative laga induction/appointment be thakibo.
Meeting te be BCCI laga stand 2028 Los Angeles Olympic Games te cricket melabole opor te be thakibo. State representatives para 2021 T20 World Cup (India te lobole) National Cricket Academy aro India’s Future Tours Program opor te update kora thakibo. BCCI AGM toh poila coronavirus pandemic nemide postpone kora thakise.
Add Comment