Agencies, 17 November: Tuesday te Board of Control for Cricket in India (BCCI) para MPL Sports logode deal kora janaishe. Etu toh MPL Sports toh Mobile Premier League- an e-sports platform para sports merchandise brand ase. Aro BCCI aro MPL Sports mela toh Indian Cricket Team nemide notun kit sponsor aro official merchandise partner nemide ase.
BCCI statement hisaab te, notun sign kora strategic partnership pithor te, MPL Sports toh November 2020 to December 2023 tak nemide tin sal laga agreement te kushise. MPL Sports laga association logode BCCI para ahibole Australia tour, 2020-21 suru koribo aro etu te Team India para notun sporting jerseys laka thakibo.
Deal toh Board laga apex council para November 2 te clear kora thakise. Nike te five sal deal ase aro etu samai tai khan para Rs 370 crore toh 2016 to 2020 tak nemide deshe.
Official statement te BCCI president Sourav Ganguly koise, “Senior men aro women aro Under-19 team be notun kits nemide deal laga part ase.
Board secretary Jay Shah para etu partnership nemide Team India aro sports merchandising nemide desh te notun frontier te loijaise koise.
Poila Nike logode deal kora toh jar sal nemide thakise aro etu toh September te kothom howa thakise.
Add Comment