AGENCIES: BCCI para spin bowler Ankit Chavan spot-fixing Indian Premier League 2013 nimete ban uthaishe.etu para tai toh eligible hoishe compeititive khelibole nimete. Mumbai Cricket Association para source ke news agency ANI ke koikena janaishe etu BCCI para ban uthaishe etu khelari nimete.hoilebi etu cricket board para official statement dianai etu bi etu ban uthabole nimete.
2013 te ankeet ke thurishe spot fixing laga case te ekta IPL match te.ankit logote star bowler Sreevats Sreesanth and Ajit Chandila ke bi delhi police para rukhaidishe.
Etu sob tinta khelari khan IPL te Rajasthan Royals nimete khelishe.etu thura pichede ankit aro sreesanth ke jeevan pura ban kurishe BCCI para.etu pichede etu chamela toh huni thakishe aro july 2015 te delhi high court para clean chit dishe etu khelari khan kle tai laga spot fixing allegation te.
Etu te BCCI para tai khan laga ban te kuri thakishe sreesanth toh eni charanai aro tai laga dikdaar kuri thakishe.etu laga result toh juwa sal bcci para etu ban toh bowler uporte uthaishe.
Etu ban toh utha pichede sreesanth toh cricket te wapas ahise aro tai toh domestic tournament Syed Mushtaq Ali Trophy te ahise.
